Darwin 29.3.2009
Genau 14'500km isches gsi vo Sydney ales unedure de Küschte entlang uf Perth, Broom und schlussändlich uf Darwin. Han so vill zügs erläbt dases nöd ganz eifach isch jetzt da schnäll ales zäme z fasse! Vor allem ischs nöd eifach gsi us 6'000 Föteli di beschte paar uszläse...!! Aber ha natürli glich paar gueti gfunde wo chli zeiged we mer umegreist sind und was mer so erläbt händ...
I 2 täg hämmer mitem auto über 2000 km zruggleit...
Öppe so häd eusi sicht usgseh de langi wäg ade südküschte entlang ufem Nullarbor!
Camel, Wombat, Kangaroo (von links nach rechts)
Ja Australie häd tatsächli huufewis camel...
Nirgens in Australie gits so schöni stränd we in Esperance und im Le Grand National Park...
was wet mer meh???
Ufem Frenchmens Peak... Ä meeeega ussicht!!! Und äs liechts windli isch gange wemer vilicht schüch erchäne chan...!
Nei s häd eus ehrlich fasch vo däm "berg" blase...
Lucky Bay au im Le Grand NP. Isch zum schönschte strand vo australie gwählt worde! Und das ischer au...
...und so fühlt mer sich det definitiv...!!!
zmitst ide natur...
herrliche znacht ufem barbie!!
was gits feiners als sälbergmachti Älpler Macaroni..?
riiiise Bäum im Valley of the Giants National Park!
Tree walk... Uf 40 meter höchi
De süd-weschtlichschti punkt vo australie!
S coolschte erläbnis mit stingrays!!!! Das isch genau de wo am Steve Erwin is herz gstoche häd... Aber sind eigentlich ganz friedlich blibe solang mers chli nett gstreichlet häd...;-)
In Perth hämmer natürli au no schnäll müse verbii luege! Isch eifach über 40 grad gsi vo däm her ischs "sightseeing" meh chli ein muss gsi! Wämmer ufem föteli gnau aneluegt gseht mer dasi mini ellböge nöd chan abstütze wils soooo heiss gsi isch!!! Hetti mer ide schwiiz nie chöne vorstele das di glich sune imene andere land soooo krass chan abebräne...!!!!
Aber mer händ doch no neumed schnee gfunde!! Schön wärs s isch leider sand gsi und d temparature immerno öppe 45 grad...
D Pinnacles in Cervantes
Naja d flüge sind so es thema für sich...
Gsehns eigentlich lieber so als im gsicht...
Shark Bay! Jeeeenschti haie eifach so im seichte wasser...
Chli mit de tigerhaie go schwüme... Nei s sind natürlich delfin gsi!!
Da hämmers...
Da händs mi sogar no us de reihe usgwählt zum es fischli gä! Was für es erläbnis... Naja händs leider nie döfe streichle...
S Ningaloo Reef bi Exmouth!! Eifach nur wunderschön!!
Det simmer e wuche blibe zum schnorchle! Händ leider nur sone bilig kamera gha für 10 doller, aber besser als gar nüt!!
Jeeenschti haie häds gha...
Jeeenschti turtles...
jeeenschti roche und no ganz vill me aber händ leider nöd so vill föteli zur verfüegig gha!
Da hämmer d duschi (so hämmer duschet e wuche lang) miteme Emu müse teile...
Kritischi blick vom meischter adler... Nei nei palt du din fisch nur!!!
Im Catherines George im Karijini NP!
Willkomeni abchüelig!!
Ja und zum schluss no paar meh oder weniger schöni föteli a welne ort mer so eusi öbig und mörge verbracht händ!!
Übrigens in Darwin hämmer s erscht mal wider räge erläbt sitt Sydney!! Schön wätter isch für eus langsam wäns rägnet und chli abechüelt!!!
ich bi sicher das wirdi irgenwän no bereue wäni wider dihei bin...
Ja das wärs au scho wider... Als nöchschts gats zum Uluru (Eyers Rock), Kings Canyon und dän namal zrugg ad ostküschte woni warschindli no sonen kurs mach damiti ufe yacht go schaffe chönt! Oder filicht gani au namal chli id schuel... Naja mal luege! Und dän gahts ja scho bald aber sicher au wider mal richtig heiwärts...;-/ Han ehrlich gseit au s gfühl ich säg scho sit jahre wäg...!! Aber wäni so ghör was für wätter ier so dihei händ bliibi glaub liebe nochli und wart den uf de summer zum heicho...!! So isch de schock nöd all zu gross...;-)
Hebed wiiterhin d ohre stiiif und bis bald...
Cheeeers Fischi
Adelaide 6.2.2009
Wunderschöne strand uf de Withsunday Island... Leider bini halbe chrank gsi ;-(
Das isch de Gary und ich chli am umeblödle im hotelzimmer... Mit im bini di ganz oschtküschte bis abe uf Sydney greist!
Noosa Heads
De Q1 in Surfers Paradise by night...
De fischi am surfe...
A nei da ischer
Und das isch 5 minute spöter...
D sicht über Surfers Paradise vom Q1 us...
En eidächse grad vorem bungalo...
Sydney mit links de Harbor Bridge und rechts em Opera House!
Namal s Opere huus...
Mini beide schwöschtere d anna us schwede und d nici us de schwiiz... Übrigens die beide dünd zimli gärn und lang shoppe, egal wänn mer eigentli ganz öppis anders plant hetted...
Es jungs Kangaroo
Zwei elteri Kangaroos...
Di langwiligschte tier wos git Koalas... Die käned eifach nur schlafe, schlafe, schlafe und ässe...
Und föteli mache mit all dene blöde turischte
Ok mich häder usnamswiis mal gern gha!
Ich weiss nöd wiso aber das Wallaby häd mich immer na gahmt...
Ah ja in hetti fascht vergässe! Mit im bini in Cairns 3 mönet zäme in chraftruum... Sin name isch glaub Arnold oder so...
Mit kollege ide Blue Mountains...
De berüemti Bondi Beach...
S erscht mal woni en wilde Possum gsehn ide chuchi vome camping platz!
Euses abschiedsässe ;-( D nici links isch nacher wider zrug id schwiiz gfloge und d anna ide mitti isch in Sydney blibe... Und ich und de Luki rächts sind los uf eusi grossi reis mit sim auto und alem camping equipment...
Da isch no Sydney by night...
Da simmer ufbroche zersch via Canberra (d hauptstadt) uf Melbourne. Hauptsach s Parliament House häd jede bürger vo australie öppe $70 koschted!! Im gsamte 4 mia...
Gwitter...
So reisemer meh oder weniger umenand! Natürli hämmer s auto extra fürs föteli chli ufgrumt...
Euses hart verdiente firabigsbier!!!!
Ja und wämmer schomal in Melbourne isch wiso nöd grad as Australian Open ga?? Häd eus genau 20min koschtet bis mer es gratis ticket für de ganz tag gha händ... Leider nur fürd Hisense Arena und nöd fürd Rod Laver wode Federer grad gschpilt häd! Das föteli isch grad vorem spiel gäg de Berdych!
Mier händ dän defür Robredo vs Roddick gluegt ide Hisense Arena...
Melbourne isch wunderschön!!!
26. Januar isch Ozzi day!! Herrlichs fürwerk hämmer gse!
Irgendwo im Dschungel usse! Hauptsach ufem wäg da ane no e giftigi schlange gseh... Aber Haie häds ja au überal am meer...
Extra am 5i ufgstande zum de sunneufgang z gseh ade Great Ocean Road...
Di 12 Apostel! Händ zwar nume 7 gseh...
Scgöne sunset!
Wildi Koalas Widermal am schlaafe...
Wildi See Leue und See Hünd uf Kangaroo Island...
So übernachtemer... Räge käneds da eh nöd in South Australia!
Euse znacht widermal spaghetti...
Und namal de Luki und ich ade Great Ocean Road...
Ja und morn gahts los richtig Perth mitem auto... 3500 km und di längschti gradi strass vode wält warted det uf eus... Vo det us gahts dän wiiter duruf richtig Ningalo Reef, Broom und schluss ändlich Darwin... Hoffentlich hebed euses auto so lang! Im momänt hämmer 43 Grad da und s gseht nöd so us als würds chüeler wärde... Aber mir händ ja zum glück aircon im auto
Hoffe dasi in Perth wider par föteli chan poste, hoffe s git chli öppis intressants z prichte... Eifach nöd das mers auto händ müsse abschleppe la und mer fasch verturschted sind will 5 stund keis auto verbii cho isch...
Also hebed sorg und gnüsseds chalte wätter!
Eue Ozzi
Cairns 26.12.2008
Fuer ali wo angscht gha haend ich saeg vome Hai oder Krokodil gfraesse worde... Ich laeb immerno 
S laebe da isch eifach z schoen um ines Internet cafe z hoeckle... Aber has glich no gschafft befori go reise gan :)
D Ziit da in Cairns isch wunderschoen gsi, ich wird si mit all daene nette luet woni kaene glaernt und sache woni gse han nieme vergaesse!!!!
Wiehnachte isch leider das Jahr zimli speziell gsi, ohni baeumli und gschaenkli und so...
Vor 2 wuche bini 5 taeg ufes tauchboot go schaffe und ha oeppe 2-3 tauchgaeng pro tag choene mache! S Great Barrier Reef isch mit all sine riisige fisch und kreature wunderschoen! S "hailight" isch gsi womer d haie sind go fuetere und i sicher oeppe 50 haie um mich ume gha han... Leider hani nur en DVD und kei foeteli 
Daefuer hani paar anderi pictures...
Es weekend im outback
Fitzroy Island...
Mini klass und d girls vode advanced class! Und d girls vode reception...
Ha leider nur 2 foeteli vom Tauchtrip...
Fischi de babysitter...
Fischi de tierliebhaber...
Mini 2. grandmum... D schwoeschter vo miner host mum
und ire ma de Franki der farmer...
Und da aentlich es foeteli mit minere geliebte 2. mum
Christmas in Australia...
Thats Gary...
So das ischs mal wider fuers "erschte", hoffe dasi bim umereise au ap und zue mal dezue chum oeppis ine z schriibe! Hebed sorg und gnuesseds chalte waetter...
Ps: Hoffe dasi s Gaeschtebuech irgendwie chan flicke... Dut mer leid fuer ali wo probiert haend oeppis ine z schriibe!!!
Cairns 6.11.2008
Gday at home :-)
Alles klar bi eu im Winter?
Bi mir isches scho zimli heisser worde alses mal gsi isch, meischtens haemmer oeppe 32grad am morge am 9i! mus also saege isch eher ade obere graenze, aber fuer oeppis haed mer ja s meer und en pool...:-) und klimaalage ide schuel wo uf 16 grad abechueled (typisch australie)
Ez bini scho fascht 2 moenet da und s gfallt mer immerno meeega guet! d schuel isch amigs noed ganz eifach, vor allem ez wo daen bald emal d pruefige sind! aber schusch isch Cairns eifach de hammer mit all daene schoene straend, palme, raegewald und em crazy nightlife :-)
ha wider paar trips gmacht und ganz vill neui sache entdeckt...
da bini ufere jacht gsi vomene amerikanische reporter woni da kaene glaernt han...
Da simmer ufen trip zude Josephinefalls...
und zunere croc farm gange wos ueber 3000 crocodiles gha haend! Das da une haed uebrigens schomal amene maensch de arm abgrisse, drum haendses daen gfange! aja und das ganze isch oeppe 15min entfernt vo da wonich wohne passiert...:-)
haed natuerli au no ganz vill anderi tierli gha zum aluege und knuddle...
we zum bischpil die herzige dingos...
kaengurus natuerli...
und chlini krokodil!!!
Vor 2 wuche haed mi mini host mum es weekend mitgno nach Ingham in suede zu verwandte vo ire wo e riiiise sugar cane (zuckerrohr) farm haend! Hani chli mitchoene go luege we das ganze so lauft! Da haemmer en sogenannte harvester...
und da haemmer de chare im hintergrund wo das ganze entladt!!
Ok villicht intressierts eu das noed eso aber ich has voll intressant gfunde...:-) immerhin isch ganz Queensland uebersaeht vo daene faelder...
Das ide mitti isch mini host mum d Vita (en riiise schatz!!!) und raechts isch e japanerin wo fuer 2 wuche bi eus gwohnt haed.
Da simmer zum hoechschti wasserfall vode suedliche hemisphaere...
da ischer!!!
Da haemmer no aes bild vode landschaft...
und vomene strand vo unterwaegs... (s wasser isch oeppe 30 grad)
So und da hani no paar foeteli mit mine huustier...:-)
en papagei...
e green ant... (herrlichs foeteli, isn't it?)
e tarantle i eusem garte!!
und min fruend de sisco...
und zum schluss no es foeteli vom farmer fischer
S noechschte weekend gahts 2 taeg is outback, hoffe cha paar gueti foeteli mache zum eu mitteile wes gsi isch...
Hebed sorg und gnuessed de winter ide schwiiz!!!
Liebi Gruess us down under
Cairns 30.9.2008
Hallo dihei...
Also mir gehts immer noch blendend, die Schule ist nicht all zu streng, genau richtig damit ich das ganze "Drumherum" so richtig geniessen kann!! Dieses Wochenende machte ich einen 2-taegigen Ausflug in den Norden ans Cape Tribulation. Dichter Regenwald und 8 der 10 gefaehrlichsten Tiere der Welt erwarteten mich... :-)
Aber lueg saelber...
waen das kein richtige tschungel isch...
mitem richtige tarzan... (das isch de Lukas, mir goend zaeme id schuel und mached au schusch fasch alles zaeme)
und em moechtegern Mogli... :-)
da simmer ime wasserloch zmitst im tschungel go schwuemme...
richtig we bim tarzan...
so und no di beide tarzan zaeme...
da haemmer uebernachtet..
und so haeds am strand usgseh!
Leider haemmer noed so vill tier gseh, ussert es paar krokodil...
eme wunderschoene frosch...
und villne moskitos und spine!!!
No e sicht ueber de daintree! uf dere chline insle im hintergrund isch uebrigens de Steve Irwin (de Crocodile Hunter) bi draeharbeite unter wasser umcho
So und da no es paar foeteli vo minere schuel, de kollege und mir...
Soo ier gsend mier gahts super und ich erlaebe vill! probiere jedi sekunde z gnuesse, luege aber scho au das mis aenglisch immer chli besser wird...:-) geschter bini zum bischpil mit minere host-mum bi nachbere iglade gsi (sind zimlich guet betucht gsi), inere riise villa und morn haeder mi iglade uf e tour mit sinere riise jacht woner da im hafe parkt haed!!! toent aemel noed schlaecht :-)
D luet da sind eifach super relaxt und mir gfallts unglaublich guet!!! mus mal luege obi daen irgendwaenn wider heichum... nei seich, vermiss natuerli scho au vill luet dihei!!!!
So soett mal hei go znacht aesse, d vita haed sicher wider oeppis feins kochet, wesis jede abig macht! Si isch chochlehrerin und chocht eifach fabelhaft!
Also hebed sorg und bis bald wider...
Cairns 21.09.2008
Sooo... Endlich habe ich einwenig Zeit gefunden, um euch etwas ueber mein neues Leben hier zu schreiben!
Die Reise nach Australien ging super, war zwar mega lang, aber mal ganz was Neues so ganz alleine zu reisen! Kam mir schon ziemlich einsam vor muss ich gestehen!!
Hier angekommen, wartete meine host mum Vita bereits auf mich! Sie ist ein riesen Schatz, kocht super und laesst mir alle Freiheiten die ich will!!! Am ersten Tag nahm sie mich bereits mit auf einen Trip rund um Cairns, um mir alles Wichtige zu zeigen! Hab zwar noch nicht alles verstanden, was sie erzaehlt hat, aber war trozdem interessant! Mega schoene Straende oberhalb von Cairns und das Wetter war bis jetzt jeden Tag wolkenlos und 30 Grad!
Hier einige Fotos von der Reise und der ersten Woche hier in Cairns:
De flughafe in singapur isch riiisegross gsi und ide tusig laede wos gha haed hett mer eifach alles choene chaufe!
Vill tropischer gahts glaub nuem!! D Luft isch so fuecht gsi we ime Halebad!!
Chli am fernseh luege ufme riise flatscreen!!
Und scho s erscht mal chli go baedele is meer... Das isch ez de palm cove beach, de isch oeppe e halb stund wiiter noerdlich vo cairns!
So gsehts de strass entlang us (gsehnder au waenner uf "Here I am" goend go luege
Das isch de herrlich garte...
das ischd sicht grad waemmer inechunt...
en herrliche haenger eggae
barbecue???
s huus vo usse...
und en blick d strass abe woni jede tag mini berglaeuf mach... Naja
mini sexy nachberin, d Maegi! isch zwar schochli alt, scho 10ni... aber extrem fit blibe!!
en riise mangobaum zmitst im garte! oeppe i 2 moenet choemmer de frischi mangos go pfluecke...
das weekend bini leider halbe chrank gsi! Aber waemmer d chranked so chan uskuriere isches gar noed so schlimm chrank z si :-)
und zum schluss no d ussicht am abig usem garte!!
Just gorgeous!!!!
Soo das mal fuer de afang, hoffe dasi bald mal wider ziit finde um nochli meh zeige z choene...
Macheds guet und liebi grueess us Australia
S laebe da isch eifach z schoen um ines Internet cafe z hoeckle... Aber has glich no gschafft befori go reise gan :)